.:: بنت المرزوقي::. .:: أيمن الشعباوي::. .:: تكريم النجم عبدالرحمن إبراهيم::.
شعار شعب الإمارات :: إمــاراتنا حبيبة .. قيــادتنا رشـــيدة .. كلنا خليـــفة وحكامـــنا وأوليـــاء العهود الكـــــرام ..
تابعونا عبر تويتر
الإهداءات

فعاليات المنتدى


العودة   |::..::| شعب الإمارات |::..::| > ۩۞۩ شعب الإمارات العام ۩۞۩ > °•| الملتقى العام |•° > °•| ملتقى الـقـصـص والـروايـات |•°

-->
إضافة رد
 
أدوات الموضوع انواع عرض الموضوع
قديم 18-03-2008, 09:13 PM   رقم المشاركة : 15
معلومات العضو
غلاابوظبي
°•|عضو فعال|•°
 
الصورة الرمزية غلاابوظبي
 
إحصائية العضو









غلاابوظبي غير متواجد حالياً

مجموع الاوسمة 0


الرسالة الشخصية

عبــــــــــــــــــــوديـــ SA قلــــــــــــــــــــــبــ شيــــــــــــــــــــــوميــ أ

MMS

افتراضي


 

الجزء الرابع

في المطبخ معتفسه ادور ثلاجة الماي بس ماشي لانهم يستخدمون دبب صغيره ويحطونها في الثلاجة ......
الريم تتحرطم: أوووووووووووووووووووووف وين الماي؟؟؟
والله حاله بموت من العطش كله من سوالفهن اللي ما تخلص
وانا ليش ما اسأل البشكاره اسهلي وافتك
الريم وهيه تحاول تذكر اسم الخدامه: يا ربي شوه اسمها الله يغربل العدو ...اممم اممممممممم ... كان .. لا لا لا هان .... اكيد نان ...هيه ناني
الريم باعلى صوتها: حوووووووووووه ناني وينج
ناني تربع صوبها: شوه مدام ؟؟
الريم : وين الماي مالكم؟؟
ناني تفتح الثلاجة وتناول الريم غرشة الماي.. وتروح تيباها كوب
ناني: اندوج مدام... يريد شي ساني؟؟
الريم : عشتوووووووا بعد اندوج ... لازم مقطنه عندهم من عشر سنين
ناني: انتي شوه قول؟؟
الريم : ما شي خلاص ذلفي
راحت ناني عن الريم الي قعدة تروي ظمأها وبعدين اذكرت الريم شي
الريم: اوووه عنود تريد ماي .. برويها الدبه إذا ما ذليتها..هههههههههههه
وهيه توها تفتح الغرشة عسب تصب ماي في الكوب علشان تاخذه معاها حق عنود وفجأه تنقطع الكهربه ...
الريم تشهق: اميـــــــــه ... وقتج انتي الحين تنقطعين ...يويلي والله اخاف من الظلام
وهيه مب منتبه كانت تصب الماي على ثيابها
الريم تشهق: لا ...شوه هذا اخ اختربت كشختيه
ومدت ايدها تتلمس الكوب علشان ما تصبه على ثيابها مرة ثانيه وصبت الماي في الكوب وهيه رايحه صوب الباب تتلمس اليدران علشان ما تضرب في شي وتوها واصلة الباب ما حست غير حد داعمنها من ورا
الريم:والعـــــــــــــثره ......منوووووووووووووووه؟؟؟
ناني: سوري مدام انا ما في شوف انتي
الريم تتحرطم وهيه طالعة صوب الفلة العودة : الله يغربلج يالسبالة زين ما سبحتيني بالماي ...ما تشوفين يالعورا


ومشت......... ومشت............ ومشت....وهيه تتلمس اليدران......ودعمت حد مره ثانية وهاذي المره الدعمه أقوى لأنها دعمت حد ويه بويه وكان الشخص أطول عنها وأعرض بس هوه ما اتحرك وانجب عنها نص الماي
الريم: شفيكم اليوم كلكم ما تشوفون ولا عميان...اووووف والله كسرتوني حرام عليكم والله ما اقهر....حتى الماي عبر الحين بوصله حقها الكوب فاضي

ومن دون سابق انذار اشتغلت الكهربه
الريم وهيه فاجه حلجها ومبققه عيونها وهيه تشوف مانع واقف جدامها ومخرستنه وعلى ويهه نظره غريبه ويطالعها من فوق لين تحت ويبتسم ابتسامه كلها خبث ويقول في خاطره الله يابج لدربي...
أصلا مانع رد صوب المطابخ علشان يعابل المجمع مال الكرهبه ودام انه لاقاها بينفذ وعده يوم قال بيطفربها.....وقرر انه ألحين يبدا وحب انه يغلس عليها
مانع يزاعج عليها: ايه انتي ما تشوفين خربتي كشختي ألحين شو بيقولن عني بنات دبي....
الريم وهيه منزله راسها وتحس الدم كله في ويهها:.........
مانع : رمسي ليش ساكته عقب ما سبحتيني وسبيتيني ألحين أنا ما اشوف وأعمي...مالت عليج..وعلى ويهج
الريم خلاص منتهيه: .....سمحلي والله ما كنت أقصد
مانع: لاوالله عاد وين أصرفها ما كنت أقصد...هااه عقب ما وصختيني عاد شو تفيدني (ويقلدها) ماكنت أقصد
الريم خلاص انترسن عيونها دموع واتغيرت نبره صوتها: آسفــــه
مانع: لاوالله شو يفيدني أسفج
خلاص الريم طنقرت وعصبت ووصلت حدها وتقول في خاطرها شو هالمصاخه كم مره اعتذرت هذا ما يفهم ولا يبا يفشلني ويحرجني عيني..عينك مالت عليه السبال ما طاح نصه يوم إلا شويه ماي انجب عليه( ومسحت دمعتها وقالت ما عليه براويه)

أما مانع كسرت خاطره يوم سمع انه تغير صوتها وقال حرام غلست عليها واااايد شكلها بتصيح ..وقال أوني ألحين بقبل اعتذارها....

مانع: ليش ساكته شو بيفيدني اسفج رمسي..
الريم رفعت راسها بسرعه وكان باين من ملامحها انها معصبه وكانت معقده حياتها واطالع عيونه : ايه انته شفيك ما طاح نصك يوم إلا شويه ماي انجب عليك وانته ما تفهم كم مره اعتذرت..والله عاد إذا انته معصب لا تبرد حرتك فيني ولا تشوفني بنت قلت عادي ببرد حرتي فيها ..لا ابوي غير فكرتك تراني بنت عن عشر رياييل فهمت ....والساكت عن حقه شيطان اخرس أوووووووووف.... وخطفت عنه ولا عبرته ولا وقفت حتى تعرف شو رده فعله
أما مانع وقف مبهت ما يعرف شو صاير ومستغرب ويقول يالله يا قواتج يا بنت خالي طلعتي مب سهله...صدقج يوم قلتي انج عن عشر رياييل ...الهرمه طالعه حلوه بالبدله...أخ عليها لوما يلست تتحرطم كنت بقولها شو رايها في ذوقي..بس أحسني متيبس من يوم ما دعمتني...............
أخ والله انها طرررررررررررررررررررررررر

" عـفا الله عن خطا غدر الخناجر والضلوع ابطال...بـسامح واتـركك تـحت الـظلام الحالك لحالك...دخـيلك وفـرّ دمـوعك ترى هدر الدموع اذلال...وتـرى مـا فيه احد يصبر مثل صبري بغربالك...انـا عـيب عـلي أنـقض كلامي والرجال افعال...واذا قـلت اقـطع احـبالك تـراني بقطع حبالك..عـشان اكسب هدب عينك تجرعت العذاب اشكال...ولـيتك تـرأف بـحالي عـلشان ارأف بـحالك...أنـا مـحدن بـجابرني أسـاير مـعك هالمنوال...تـرى لانـي تـبيع لـك ولا ني باصغر عيالك...أنا جيت اعشقك نبض ومشاعر ما اعشقك (تمثال)...أنـا جـيت اسـكنك واحياك وابقى فيك وابقى لك...أبـي قـلبك يـحس انـه فـقد بـمحبته رجـال...مـلكته مـن هدب عين وخسرت رضاه باهمالك...صـحيح ان الـفراق اقـسى ولكن الوصال محال...أنـا صعبن علي أرضي غرورك واضعف قبالك أبـهديك الـوصال فـراق واهديك الفراق وصال...بـسوي مـثل مـا شـوفك تسوي وافعل افعالك...عـشان تـعرف من فينا الزعول ومن وسيع البال أبـيـك تـذوق فـنجالي وانـا بـذوق فـنجالك...نـصيحة واحـتفظ فيها قصر معك الزمن أو طال...أبـي تـسمع كـلامي زيـن وتـحطه على بالك...واذا قـصدك تـهين اسـمي عشان تشمت العذال...تـرى لا انـته ولا غيرك ولا عشرة من اشكالك"












التوقيع

 

 

   

رد مع اقتباس
قديم 18-03-2008, 09:13 PM   رقم المشاركة : 16
معلومات العضو
غلاابوظبي
°•|عضو فعال|•°
 
الصورة الرمزية غلاابوظبي
 
إحصائية العضو









غلاابوظبي غير متواجد حالياً

مجموع الاوسمة 0


الرسالة الشخصية

عبــــــــــــــــــــوديـــ SA قلــــــــــــــــــــــبــ شيــــــــــــــــــــــوميــ أ

MMS

افتراضي


 

ومن بعدها رد مانع عند الرياييل وراحت الريم الحمام تغسل ويهها ومن بعدها بترد تيب حق عنود ماي عشان البنات ما يحسن بشي..وفي ميلس الرياييل توه مانع داخل عليهم...
سلطان : ونعم ....أقول منوع تصلح كرهبجي...
سعيد : أقول منوع خلاص بعدين بشلك وياي لأن الليت مال حمامي دايما يفصل ما ادريبه ما يطيع يشتغل....
مانع : ههههههه مالت عليكم أصلا أنا ما سرتله المجمع إروحها الكرهبه اشتغلت ..
ناصر: هههههه اتروعت منك يوم درت انك سايرلها
ويا مانع ويلس حذال عبدالله اخوه...
عبدالله : حووووه شفيك كلك خرسان ماي
طبعا مانع نسى عمره ولا بدل كندورته
مانع يريد يرقع السالفه:هاذكهه هههههههه ... الخدامه الله ينطبها دعمت فيني وجبت عليه الماي...
عبدالله مسكر خشمه بيده : وع وانا اشم ريحه خدامات
سلطان وسعيد: هههههههه يع عليك اماحج الخدامات لا تي صوبنا
مانع في خاطره : يا جذبكم فديتها ريحتها كلها دهن عووووود
مانع : هههههه انزين من رخصتكم بسير ابدل واردلكم
الكل: مرخووووووووووص
ومانع وهوه رايح صوب غرفته شاف الريم طالعه من المطبخ وشاله كوب ماي
مانع وفيه ضحكة: الريم
الريم ما ردت عليه
مانع بجديه شوي: الريم ...أكلمج ردي عليه
الريم عطته نظره هزت كيانه وراحت عنه ومانع واقف منصعق من ردت فعل الريم وحس انه صدق غلط عليها وجنها معصبه وزعلانه...
مانع في خاطره : خيــــبه والله انها زعلت
........
..
.
توقع وش يكون الرد من قلبٍ هديته جروح؟
يهلي بك وينسى الجرح•• يقولك يا غلا مسموح؟
تخيل عيش مأساتي تصور إنك المجروح
بتعرف بعدها ردي•• معاناتي مع الأيــــامْ

كانوا شبابنا الصغار يلعبون سوني ومشتطين من بيغلب الثاني عسب إلي يباري الثالث والي يغلبهم كلهم على الباقين الاثنينه إلي خسروا انهم يعشونه ع حسابهم

فهد : اللــــــــــــه عليك والله انك يا حروب رحت دام انك تباري بطي ..الله يعينك
حارب : هااهااي صبرلي شوي أصلا هاذي بس مقبلات ولا انا محد يغلبني وبغسلك انته وبطوي
بطي : ههههههه في الاحلام جيه انا ما ضارب خط من دبي لحجره فهد عسب حويرب يغلبني
فهد : مالت عليكم طوفه ..ياخي مشكله الخقاقين
حارب وهوه يضغط stare ويفتر صوبهم : هيه صح باجر عرس قوم حمد سالم الكتبي تراهم عازمينا ومطرشين بطاقه دعوه بتسيرون
فهد : هيه صح شفتها مب هم بطاقتهم عيناويه وبعد وياها مصحف يمكن
حارب : انزين هيه هاذي شو بتسيرون انا عني بسير اصلا كلهم بيسيرون امي وابوي ويدي ويدتي وخلوف و ودوم أما عماتي الكبار محد منهم بيسير
فهد : خلاص انشالله بنسير ..شوه بطي بتسير
بطي : أكيد بسير اصلا السيره ما تحلى من دوني
حارب: يالله يالخقه
فهد : صدق بتسير خلصنا
بطي : عيل وين تباني اسير جيه ما بتم اروحي وبعدين انا مجهز كل العده
حارب وهوه يكمل لعب : يله عيل العب يالخقاق
.......
.....
..
.

كانت مندمجه واتابع فلم في تو وناسيه الدنيا وما فيها
ودخل حمدان يتحنحن
فزت ميره من مكانه اول ما سمعت حمدان
ياربي شو يابه هذا الحين يارب ما يكون ربيعه سبال ويخبره ولا بموت ياويلي والله انه يا حمدان بيدفني حية
حمدان : السلام عليكم
ميره مرتبكه : هلا وعليكم السلام
حمدان: شوه ميلسنج الين الحين؟
ميره : ما ياني رقاد ويلست اجلب فالقنوات وعيبني هذا الفلم وقعدت اتابعه
حمدان وهوه رايح صوب حجرته ويتثاوب: اهااااا عيل انا بروح ارقد
ميره: حمدان؟؟
حمدان: عونج خيتووووو
ميره وهيه تضحك: لاوالله وصرنا نرمس مصري هذا كله من مجابل المصاروه فالمحلات والشركات... المهم انته وين كنت اليوم؟؟
حمدان يطالعها بنص عين: شوه يخصج حرمتي وانا ماادري؟؟
ميره : ما شي بس اسأل لاني جفت سيارتك فالكراج وسألت امي عنك وقالت انك ما ييت
حمدان : اهاااا لا بس بغاني واحد من الربع في شغل و رحت فياه وقلت حق منصور يوصل سيارتي البيت
ميره في خاطرها: سبال والله اسمه عجيب .... منصور
حمدان: حووووووووووه ميروووووووووه وين وصلتي؟؟
ميره : هاه لا ما شي وياك بس بسير ارقد
حمدان: والفلم؟؟
ميره : اتذكرت اني جايفتنه قبل خله يولي
حمدان: اوكيه .. تصبحين ع خير
ميره : وانته من اهله
وراحوا حمدان وميره كل واحد صوب حجرته عسب يرقدون

.................................................. ......
طبعا أهل دبي متعوديين انهم أحيانا يباتون في العين أما قوم محمد المنصوري وعيال عمهم ( قوم سلطان و خواته ) روحوا البيت ...
............
.........
طول الليل ما رقد يفكر لأن بالباجر بيكون اللقاء الموعود وبيشوف أبوه إلي قطع عنهم زياراته من زمان وبيشوف عائلته اليديده يعني اخوانه من ابوه لأنهم بس يعرفون سعيد بعد شهاب مايذكره ابدا أما ذياب فيعرفه زين ويفكر كيف بيكون اللقاء وبيرحبوبهم ولا لأ.... كانت وايد اسئله ادور في بال شهاب طول الليل حتى انه ما رقد إلا الساعه 3ونص وألحين باخنها رقاد لين الساعه 12 الظهر وذياب يوعيه ولا حياه لمن تنادي الحبيب يحلم أحلام ورديه...

ذياب : شهاب عاد خلاص بسك ارقاد ياخي ذليتني يله قم
شهاب وهوه يغطي راسه باللحاف
خلاص ذياب عصب وبسرعه شل اللحاف عنه : قم يالله بسك رقااااد امف عليك عفنت ريحتك كلها ريحه رقاد
شهاب وهوه يمسح على شعره : ياخي عن المذله ترا الرقاد ما بفلوس خلني ارقد
ذياب : يله يالكسول ادريبه الرقاد ما بفلوس ..قوم اتسبح وتنشط اليوم بنسير بيت ابوي
أول ما قال بيت ابوي انتبه شهاب ونش واقف لأنه هالشي إلي كان مسهرنه أمس ..
ذياب فاج عيونه : ما دريت ولا من الصبح بقولك بنسير بيت ابوي ...هالكثر متحمس؟؟
شهاب والفوطه ع كتفه ورايح صوب الحمام : آآه اكثر مما تتوقع
ذياب قعد يفكر باخوه وكسر خاطره وقعد يدعي ربه انهم يرحبوبهم ويستقبلونهم اوكيه عسب ما تتحطم معنويات شهاب
......
...
..
.

روضه : هــــلا واللـــــه بالحلوين وينج يالقاطعه
ميره : موجودين بس انتي نسيتينا امره
روضه : افااا يا ميروه ما عاش الي ينساج
ميره : فديتج والله واخبارج وعلومج
روضه : الحمدالهل ..انتوا اخباركووو واعلووومكووو
ميره : هههههههه عاشوا المناصير
روضه : شو مب عايبينج المناصير
ميره : لا يابوج وانا اقدر ..فديت المنصوريه ياربي
روضه : هيه توج تعيبيني
ميره : أعجبج ..صح واخبار ريموووه
روضه : والله اوكيه تشقح وتنطح
ميره : ويا مرحبابكم ....أقول رويض
روضه : قولي
ميره : ياخي ملل اشتقتلكم مووووووت
روضه : ههههههه فديتج والله حتى نحن ..لاتفرحين بتي الجامعه بتكدنا كد
ميره : اقول رويض بخليج اخويه يباني
روضه : اوكيه برايج الله يحفظج
ميره : فمان الله ..اقولج سلمي ع الأهل وريمووووووووووه
روضه : انشاالله يبلغ ..
ميره :يله مع السلامه
روضه : الله يحفظج
...............................
ميره هيه ربيعت روضه طيوبه وااايد وحبوبه الشله كلها تعرفها (عليوه والريم وعنود ومنى ....وغيرهن وهن في الجامعه مسويات حزب)

كانوا في المول يتحوطون ويقضون الوقت .....
مانع : اقوووووول سواف اليوم فليل تعال ميلسنا ما فينا نروح العرس شو رايك بيكون البيت فاضي
سيف : والله ماادري بتشاور ....اقول منوووع شوف ذاك الغزال
مانع يستهبل: وينه ما اجوفه
سيف يهمس لمانع : غايته وراها
مانع : ههههههه ياخي خلاص كبرنا اقولك انته روح اقض حايتك انا اترياك في الكوفي اليوم مالي بارض للمغازل
سيف : حليلك انته ...اقول برايك برجعلك
++++++++++++++++++++++
روح مانع الكوفي بيدش شوي النت أما ربيعه سيف قعد يتبع وحده وملعوزنها
سيف : انزين نظره صدي صوبنا
والبنت خلاص واصله حدها منه
سيف : فديت المزايين ياربي
سيف : الشيخه الرقم ****244
وفجأه تلتفت صوبه ..ابتسم سيف
سيف : اخيرا جيتني مشتاق ..وقلبك ميت من الشوق
البنت معصبه : انته وبعدين وياك لين متى بتلاحقني ياخي حل عن سماي
سيف : ما بخوز عنج لين تاخذين الرقم
البنت : ياخي ما اريد اخذه غصب
سيف يغمزلها : هيه غصب
وبحركه سريعه اجرأت البنت وضربت سيف بالشنطه عويهه صدق ما تستحي
طنقر سيف وطلعن شياطينه كيف وحده سباله مثل هاذي تمد ايدها وعاد سيف ما قصر فسخ نعاله وبمقفى نعاله عويه البنت لين ما افترت وطاحت ع الأرض تباغم وتصيح ...والتموا عليهم الناس و السكيورتي وعاد السكيورتي لو عرفوا انه يغازلها عادي يفرون سيف في السجن لكن سيف تلاحق عمره بفكره ذكيه
سيف وهوه يأشر ع البنت : انتي طالق ..طالق ..طالق ..والبيت ما اطيحينه
ولبس سيف نعاله والشرده
والبنت فاجه حلجها ومبققه عيونها هذا شو يقول وشو يخورط ...والناس ملتمين عليها ويهدونها ويقولولها عادي معوضه انشاالله ..وهيه تصارخ : شفيكم هذا مب ريلي والله مب ريلي












التوقيع

 

 

   

رد مع اقتباس
قديم 18-03-2008, 09:14 PM   رقم المشاركة : 17
معلومات العضو
غلاابوظبي
°•|عضو فعال|•°
 
الصورة الرمزية غلاابوظبي
 
إحصائية العضو









غلاابوظبي غير متواجد حالياً

مجموع الاوسمة 0


الرسالة الشخصية

عبــــــــــــــــــــوديـــ SA قلــــــــــــــــــــــبــ شيــــــــــــــــــــــوميــ أ

MMS

افتراضي


 

++++++++++++++
قده وصل عند الباركن وبسرعه يتصل لمانع : مانع وينك الحق بسرعه اترياك عند السياره <<والريال يناهد
مانع : خير شو صار
سيف : بسرعه تعال وانا بخبرك يله بسرعه انقفض
مانع وهو يسجل خروج من المنتدى : يله يايينك اصبر
سيف : اوكيه بسرعه
مانع : اوكيه << احليله مانع تروع ومايعرف شو السالفه لأنه كان في الطابق الي فوق والسالفه صارت تحت في الطابق الأرضي
++++++++++++++++++++++++++++++++++++++++

@#$%^&^$#^ في فتك مانع @#$%^&^$#^

مانع وهوه زايغ ع ربيعه : هاااه سواااف زيغتني شياك
سيف ساكت :.......
مانع: سواف ارمس زيغتني شي يعورك ..اوديك المستشفى
فجأه ينقع سيف من الضحك
سيف: ههههههههههههههههههههههههه
هههههههههههههههههههههههه
ههههههههههههههههههه
ههههههههههه
هههههههههه
ههههه
ههه
هه
ه
مانع فاج عيونه ومعصب عليه : لا واللـــــــــه
اشهد اني بوديك مستشفى الميانين
وسيف بعده يضحك
مانع معصب ويوقف عطرف الشارع: انزل ..انزل
سيف يحاول يوقف من الضحك وعيونه يدمعن من زوود الضحك: خلاص خلاص والله سوري انته اصبر علي الحين بضحكك وياي
مانع :ارمس
سيف : اول ما رحت عنك ...........وخبره السالفه .............
مانع : هههههههههههههههههههههه
ههههههههههههههههههه والله انك خطير يا سواف كيف يتك فكره اونها حرمتك ههههههههههه
سيف:ياخي مااعرف خفت ينشروني في صفحه المعاكسين
ويلسو يضحكووووووووون عفكره سيف الخطييييييره
++++++++++++++++
العصر الساعه خمس في بيت راشد المهيري

عنود وعليوه قاعدات في صاله الطعام مستملات والاهل مشتطين يتكشخون حق العرس ويدخل بطي يتسفر ويسكر عقم كندوره
بطي: عليوه شرايج كاشخ صح؟؟
عليوه: ههههه اكييييييييييد كاشخ اخاف يحسبونك المعرس
بطي متشقق: احم .. احم .. من يروم
عنود : الحين بيون فهد وحارب وبيقمروووووونك يالخقاق
بطي بخقه : امباسيبول
عليوه : هههههههه خطير ولد عمي
بطي: اعجبك يا عسل
ويدخل حارب وهو ماسك سجبته و ايوول ويغني وايبس

حارب يغني: شارك الغيه في سما دبي جان تبغي تشوف الناس في جنه
عنود: هلا والله ...ولد حلال تونا نطريك متى ييت
حارب : توني واصل قلت روحوا عني كنت بستخف
عليوه : هههههه لا بسم الله عليك ...استريح بعدهم ما راحوا
حارب فارش عمره ع الكرسي متخقق : احم من قدي
بطي يطالعه بنص عين : ليش منو حضرتك
حارب بخقه : احم ولد الملازم اول سعيد محمد المنصوري حد يروم...
حارب : انزين عنود شو قلتوا عنيه
عنود: ههههههه لا بس قلنا انك بتي كاشخ و بتغلب بطي بالكشخه
حارب متشقق: احم ... احم ... من قدي
عليوه : اقول حروب وين ريمووه
حارب : والله اليوم ما شفتها إلا و خاطفه من حذالي برق.. عليوه شغلي التلفزيون وحطي ع حواس
عليوه : من عيوني ((وتشغل التلفزيون وتحط ع حواس وكانت اغنيه حربي العامري **آه من قلب **))
وحارب ايوووول وعنود مرتبشه فياه وبطي ربع اييب الكلاشن ماله (السجبه)
حارب : يابس ..يابس ..عااااااااااااشووووووااااااااا.. فووووق ...يابس
وعنود مصدقه عمرها واتيول بالريموت وتيبس فيا حارب وعليوه تضحك ع اخبالهم
حارب : الله لا شلج يا عنود
ويوم وصل المقطع ** من غلاك اتخيلك دووووم فعيوني ** كان حارب يغني فيا حربي ويأشر بيده ع عنود ويردها في عيونه
وينصعق عبدالله يوم يشوف هالحركات وبدت آليه الغيره ع خطيبته تشتغل
عبدالله معصب واقف جدام الباب ويتحنحن : احــــم
الكل سكت وعنود فجت عيونها @.@ وبسرعه عدلت شيلتها ويلست حذال عليوه موخيه راسها ومفتضحه باللي كانت تسويه << ما تنلام حارب رابشنها عاد هيه امبونها ربشه
وحارب عادي فريييييي فزوا هوه وبطي يسلمون على عبدالله حليلهم يهااال شدراهم ..انهم ضيجوبه
بطي : حياالله النسيب
عبدالله ببتسامه مصطنعه : هلا بك
حارب : اشحالك؟؟
عبدالله بدون نفس : ما نشكي باس
وخطفوا عنه وراحوا يشوفون فهد اذا خلص ومنااك بيروحون العرس
عنود : اشحالك عبدالله ؟؟
عبدالله خزها بنظره : عليوه وين امايه؟؟
وعنود اجمعن الدموع في عيونها بس ما تبى اتنزلهن جدامه وصلبت عودها وراحت الحجره ..
عليوه : عبوووود حرام عليك شحقى ما ترد عليها وشو هالنظره الخايسه
عبدالله وهوه يقاطعها : جـــــــــب ما يخصج
وراح عنها
.....................
المغرب الكل ركب السياره وما باقي غير ام سعيد توصي بناتها لأن محد غيرهن في البيت
ام سعيد : روضه امايه ما وصيكن على عماركن نحن ثلاث ولا اربع ساعات ورادين ما بنبطي
روضه : انشاالله امايه لا تحاتين
ام سعيد : وجان حد ياكن قربوبهم في الميلس وطرشي الفواله صوبهم..

والشيبه محتشر ويدقدق هرانه

الريم : امايه خلاص ابويه بيحتشر جيه نحن هب يهال نعرف كيف نتصرف
ام سعيد : تبن ايبلكن عشى
الريم : امايه فديت برقعج يا ربي نحن مانحبه اكل المعاريس بنوصي هالمطعم الي عدالنا وييبلنا لين البيت ...لا تعبين عمرج ...بس اعطينا فلوس
ام سعيد : بعد فلوس شحقه ؟؟؟
الريم : امايه علني ماخلى منج ترا حق المطعم
وروضه تبتسم
ام سعيد : خلاص عيل انا خليتلج فلوس عند اختج ..يله فمان الله
الريم تتخنصر: لا والله ...تشوفوني ياهل وليش ماتعطيني اياهن في ايدي
وام سعيد عطتها طاااف وركبت الموتر
الريم : ط ...والله العيوز هب هينه عطتني طاف وخطفت
روضه : ايه ريموووه شوهالرمسه ( وادزها من جتفها ) يله دخلي داخل
+++++++++++++++
++++++++++
++++++












التوقيع

 

 

   

رد مع اقتباس
قديم 18-03-2008, 09:14 PM   رقم المشاركة : 18
معلومات العضو
غلاابوظبي
°•|عضو فعال|•°
 
الصورة الرمزية غلاابوظبي
 
إحصائية العضو









غلاابوظبي غير متواجد حالياً

مجموع الاوسمة 0


الرسالة الشخصية

عبــــــــــــــــــــوديـــ SA قلــــــــــــــــــــــبــ شيــــــــــــــــــــــوميــ أ

MMS

افتراضي


 

في حجره عليوه
عنود فاجه منااااااااااااااحه وتصيح وعليوه تهديها
عليوه : عنودي حبيبتي خلاص لا تصيحين
عنود تشاهق من كثر الصياح
وعليوه متقطع قلبها ع بنت عمها ما اتحب تشوف حد يصيح
عليوه : خلاص عنودي فديتج ما يسوا الموقف منج دمعه وحده
عنود: اصلا هوه يكرهني عسب جيه مسولي طاف خلاص انا بقول حق ابويه ما اريده ومستحيل اخذه .... وتكمل صياحها
عليوه منصدمه من كلام عنود
عليوه: انتي هدي شوي انا بروح اييب لج شي تشربينه عسب تهدين
(وراحت المطبخ)

***في ميلس راشد المهيري***
منسدح على الكنبه ويرن تلفونه : الووووووووو
المتصله بصوت ناعم : الووووووو
مانع: هلا والـــــله
المتصله : هلا بك ... يالله عليك ارحمني
مانع باستهبال: ليش شوه سويت؟؟
المتصله : والله ذابحني احبك يا ريال
مانع : هههههههههههههههههههههههه
المتصله : فديت هالضحكه علني ماخلى منك
مانع: فديتج والله....واخبارج
ومانع متوهق ما يعرف هاي أي وحده من كثرهن ما يميز بينهن
مانع : غناتي بخليج ريال عندي
المتصله : ههههه اوكيه فديتك بس لا تقطعنا
مانع : انتي تامرين امر
المتصله : انزين فديتك اهتم بقلبي شوي شوي عليه
مانع : افاااا عليج امره لا توصين يله سي يو
المتصله : اوكيه باااي

وبند عنها ويدق حق ربيعه سيف : هلااااااااااااااا واللــــــــــه
سيف : هلاوالله بالمزيووووووووووون
مانع : وينك يا ريال
سيف : والله احواطه في الشعبيه
مانع : يله احدر ميلسنا محد في البيت فاااضي الاهل رايحين العرس
سيف : خلاص اوكيه ثواني واكون عندك
مانع : اوكيه اجلب ويهك
سيف : ط اوكيه ولا بي صوبك امره
مانع : لا سواااف فديتك اتمصخر فياك..يله تعال وادخل سيده واذا ما حصلتني اترياني بروح الجمعيه الي عدالنا بييب مستلزمات السهره ولا تيلس اتجابل اليدران وزع الورقه بنلعب سبيت ..اوكيه
سيف : خلاص اوكيه
+++++++++++++++++++++
في بيت محمد المنصوري

الريم متملله : رويض والله ملل
رويض ترمس ربيعتها ميره: هههههههه والله هذا اخوج خطييييير
ميره : والله لو جفتيه كيف لعوزها وحليلها مصدقه عمرها انها ربيعتها
رويض: ههههههه والله ينخاف الحين من المسن
الريم : رووووووووووووووووووووويض انا ارمسج بسج من التلفون
رويض: ميره فديتج برمسج بعدين
ميره: خلاص برايج سلمي ع ريمووه المحتشره
رويض متقفطه منها : هههههه خلاص يوصل تيك كيييير
ميره : اوكيه اند يوووووووو بااااااااااااااي
رويض : اوكيه باااااااااااااااااي

وتسكر عن ميره وتلتفت ع الريم : خيييييييييييييير شوه تبيييييييييييييين؟؟؟
الريم : والله ملل وانتي ترمسين ميروووه وانا ارمس اليدران
رويض : انزيييين سوري شو تبين اسويلج
الريم : رويض والله يوعانه موووووت يله نطلب من المطعم
رويض: خلاص غايته شوه تبين ؟؟؟
الريم ببتسامه : حبيب القلب (( همبرجر وديو ))
رويض وتأشر ع عيونها: من عيوني شي ثاني بعد
الريم :سلامه راسج
واتصلت رويض حق المطعم اللي فالشعبيه
رويض : اقووووووووول بسرعه شوي اوكيه
(راعي المطعم) : اوكيه... فله بابا حارب
رويض :هههههه هيه بسرعه
وتسكر عنه وتضحك وتلتفت ع الريم
الريم : شفيج تضحكيييين ضحكين فياج؟؟
رويض : من كثر ما تطلبين انتي وحرووب المطعم حفظنا ويقولي فله بابا حارب
الريم : هههههههههههههههههههههههههههههههههههههههه

+++++++++++++++++
في ميلس راشد المهيري
سيف : هود ... هود ...
محد يرد
سيف : شكله طلع منوووووووووع
ويدخل سيف الميلس ويقعد يدور الورقه مالت اللعب

سيف : وينهااااا .... ((ويشوفها فوق الكيرم)) هاذيه حصلتها
((ويلس يوزع عسب يلعبون هوه ومانع))

سيف اتمملل لانه مانع تأخر عليه اذكر انه ما خذ دوا الكحه
وطلع وياب الحبوب من السياره وسار صوب المطبخ يدور شي يشربه بعد الحبوب وقده في المطبخ بعد ما شرب ماي شاف ديو في الثلاجه قال: والله صدقهم قوي قلبك
وطلعها وهوه يشرب سمع صوت ناعم وفز:يعلك السم يا مانع قلتلي محد فالبيت ......... وغطا الديو أي كلام وفرها في الثلاجه وانخش ورا الثلاجه

وتدخل عليوه وترمس عمرها : والله حرام قطعت قلبي من كثر ما تصيح وبعد عبووود الله يسامحه حتى من اليهال يغارعليها ((وتتنهد)) آآآآخ عورولي راسي
وتفتح الثلاجة وطاحت الديو لانه سيف فرها أي كلام بس هيه تلاحقتها بسرعه ومسكتها ويلست تشرب منها
عليوه : اكييد فهووووود السبال شرب منها براويه الهرم ..
وقعدت ع اركبها وخلت الديو حذالها وقعدت ادور بيبسي حق عنود لانها ما تحب الديو وبالغلط ضربت الديو طاحت تتدربي ع الارض وراحت ورا الثلاجه وقدها بتيب الغرشه شافت كندوره بيضا وفالبدايه تيبست بس بعدين يا فبالها انه مانع لانه الوحيد اللي ماراح العرس وصلبت عودها واتخنصرت وهيه ترص عيونها عليوه: لا والله تريد تزيـــــــــغـــ.....
وتمت منصدمه وسيف يطالعها ويضحك عليها ويأشرلها ع راسها بعيونه وبعدين انتبهت انها ما لابسه شيله وبسرعه وما شاف إلا غبار ريولها
وابتسم وطاحت عينه ع غرشه الديو وقال : وحليلك يا فهود تتحسبك انته شاربنها..وشلها وطلع صوب الميلس

وعند الميلس شاف مانع واقف عند الباب وقال في خاطره : مسرعها خبرته والله انه مانع ييذبحني ( واتصرط وراح صوبه )
مانع يزاعق : هاااه اخ سيف وينك من الصبح
سيف يتصرط ويغمض عيونه ويقول في خاطره : وجعلنا من بين ايديهم سدا ومن خلفهم سدا فأغشيناهم فهم لا يبصرون
سيف : وزعت الورقه ورحت اييب لي شي من المطبخ عسب اشرب ع الحبوب
ياخي انته بطيت واتمللت و...
مانع يقاطعه : ههههههه بعد منك رحت اييب لك صريط حق سهرتنا دام انه البيت فاااضي والاهل محد
موجه ارتياح هبت على سيف وعرف انه مانع ما يعرف انه حد في البيت معناته انه ما يعرف شو صار في المطبخ أووووف والله اني زغت بس انشاالله ما تخبره ابدااااااااااااااااااااااااااا
مانع : حووووووه سواااف شفيك يله العب مب ارمسك وانته سرحاااااااااان
سيف مرتبك : أاااه هيه يله
وسيف باله مشغووووووول بالغزال الي شافه
++++++++++++++++++++
+++++++++++++
يالسات متمللات ومجابلات بعض وفجأه يندق الجرس وبسرعه يفجن ربعان صوب الباب ...
الريم : سبقتج يالدبه خفي بعدين ريلج ما بيباج دبه
روضه معصبه : جب جب ترومين عليه ياليابسه بسرعه طلعي قبل ما يروح
وعدلت شيلتها ودخلت شعرها والحين بتفتح الباب عأساس بعدها بتمشي شوي صوب الدروازه وتيب السامان من عند الهندي
وتوها فاتحه الباب ومجدمه ريلها وتنصدم اثنينه شباب واقفين جدام الباب وبسرعه رقعت الباب فويوهم


تتوقعون منو هالشباب الاثنينه وليش يايين بيت قوم الريم ؟؟؟؟؟

عنود من خاطرها ما تبى عبدالله ؟؟؟

وعبدالله ليش يحرها بعين ولا يرد السلام عليها ؟؟؟؟

بيعرف مانع باللي صار في المطبخ ؟؟؟؟؟












التوقيع

 

 

   

رد مع اقتباس
قديم 18-03-2008, 09:14 PM   رقم المشاركة : 19
معلومات العضو
غلاابوظبي
°•|عضو فعال|•°
 
الصورة الرمزية غلاابوظبي
 
إحصائية العضو









غلاابوظبي غير متواجد حالياً

مجموع الاوسمة 0


الرسالة الشخصية

عبــــــــــــــــــــوديـــ SA قلــــــــــــــــــــــبــ شيــــــــــــــــــــــوميــ أ

MMS

افتراضي


 

الجزء الخامس

وتوها فاتحه الباب ومجدمه ريلها وتنصدم اثنينه شباب واقفين جدام الباب وبسرعه رقعت الباب فويوهم وقفلته بالمفتاح بعد
روضه : خيبه تخيب العدو كسرتي الباب شفيج جنج شايفه الاعور الدجال
الريم متروعه : لا.... الله لا قال بس رياييل وانا زغت ورقعت الباب
روضه تشهق : يالفضيــــحه بسرعه فجي الباب وقربيبهم ...يا فضيحتنا رقعتي الباب في ويوهم
الريم : شو اسوي هم عافدين عند باب الصاله وزيغوني
............
وواحد من الي برا ميت قهر وخاطره يدخل ويزخها من كشتها
ويندق الجرس مره ثانيه
............
الريم تشهق : ياويلي بموووت ما روحوا
روضه : يله خليج قويه وفجي الباب ما بياكلونج واستسمحي بعد عالي سويتيه
الريم تتصرط : امري لله
وتغشت وفتحت الباب
الريم : احم السلام عليكم
الاول : وعليكم السلام والرحمه
والثاني ميت غيض وقهر عالحركه الي سوتها ويقول ف خاطره: تفيجتي تتغشين
الريم : سمحولي والله ما اقصد بس..
الاول : لا ختيه عاادي حصل خير
والثاني ما مسامحنها وخاطره يكفخها
الريم : قربوااا في الميلس بتتقهوييون
الاول : لا ختيه مشكوووره بس بغيت اسألج
الريم : آمر
الاول : هذا بيت محمد حارب سيف المنصوري
الريم اتروعت : هيه نعم ...من انتو ..الشرطه
الاول : ههههههه لا وياج ذياب محمد حارب سيف المنصوري
ويأشر ع اخوه وهذا شهاب محمد حارب سيف المنصوري
والريم فاجه عيونها عالاخر وروضه تسمع الحوار من ورا الباب
وشهاب يفرك ايدينه ببعض ويضحك ضحكه شيطانيه ويقول في خاطره : ههاااههاااي يعني اقدر اصفعها عكيفي
الريم : ههههههههههه والله ضحكتوني يعني تبون تقولولي انكم اخوانا
ذياب : هيه نعم
وشهاب خلاص ميـــت قهر منها
الريم : وكيف اصدقكم
ذياب يدور بطاقته من مخباه بس سبقه شهاب وطلع الليسن ماله وحطاه في ويهها . والريم تقول في خاطرها : حشى زين ما عورتني...
الريم : اووو بعد عندك ليسن
شهاب يصارخ ويأشر ع ورا : ما تشوفيين الرنج الموقف براا
الريم فجت حلجها ما مصدقه هيه تموت فشي اسمه رنج لا والاخطر انه عنابي وبعد شافت شي ثاني ...
وفجأه ترقع الباب فويوهم مره ثانيه
استغرب ذياب : توها بخير شياها
وشهاب خاطره يكسر الباب ويسحبها من كشتها ويقلصها بالرنج ماله
++++++++++++++++++++++++
روضه معصبه: يالله علييييييج يالغبيه انتي تلعبين ولا شو سالفتج
والريم تنتفض : رويض خلاص سعيد بيقطعني شطف ياويلي بموووت وخطفت تربع صاله الطعام وروضه ما فاهمه السالفه وراحت وراها
روضه : الريم فهميني شو صار
والريم خبرتها انها يوم توها شافت الرنج برا انصدمت وشافت مدعميه سياره سعيد توها داخله من البوابه
روضه تشهق : خيبه شو نسوي بيذبحنا وبيضحيبنا بعد
والريم تصفع ويهها من كثر الزيغه
الريم : بس سمعتيهم اونه اخوانا ...من وين طلعوا
روضه : هيه والله سمعت يعني ابويه معرس من قبل ع اميه
الريم : لا يمكن تشابه اسماء ويايين يتعلثون
روضه : لا ما اعتقد حسيت من الي سمعته انه كلامهم صدق
الريم ميته من الزيغه: يعلهم النفاد والله سعيد بيذبحني بسبتهم
روضه: حرام عليج تنفدينهم
الريم : دخيلج رويض تسكتين عني والله بموووووووووت ((وتصيح))
وتدخل اليازيه حرمه سعيد وشاله مزنه وتشوف الريم تصيح وتسير صوبها متروعه: الريم حبيبتي شفيج تصيحين ؟؟؟؟؟
الريم:.......اقول يزوي سعيد وين؟؟؟
اليازيه مستغربه : برا عنده رياييل...تعالي انتي شحقه كنتي واقفه وبعدين رقعتي الباب يوم شفتي السياره؟؟
الريم زاد صياحها : والله كنت اتحسبه المطعم وطلعوا فويهي هالسبلان الله ياخذهم وتصيح ......

وعند الشباب سعيد نزل من سيارته متفتف خلاص واصل حده انه شاف اخته وهاللإثنين عند الباب وخاطره ينقع فيهم بثلاثتهم بسكتون ...

ذياب: السلام عليكم
سعيد معصب : وعليكم السلام
ذياب : سعيد؟؟؟
سعيد : هيه نعم سعيد..... خير اخوي شوه بغيت وليش واقفين هنيه؟؟
ذياب : افااااا ما عرفتني
سعيد يدقق في ملامح ذياب ويقول هالشموخ إلي في ملامحه مب غريبه علي ويحاول يتذكر ويرص عيونه
وشهاب مثل الاطرش في الزفه من بينهم
ابتسم سعيد وفتح ايدينه وحضن اخوه بحراره بعد الفراق الطويل بينهم وانقطاع زياراتهم عنهم في امريكا حس ذياب برتياح كبير وحمد ربه ان سعيد يذكره وما نساه وهذا الشي اللي بيخليه يمده بالشجاعه عسب يشوف ابوه بعد هالزمن الطويل وارتسمت ابتسامه مملوءه بالشوق والحنين حق ابوه وامه الله يرحمها والايام الي عاشوهن رباعه في امريكا بس في نفس الوقت حس بخوف من ردت فعل حرمت ابوه (ام سعيد) وخوفه من انهم يسببون هوه واخوه مشاكل بين ابوهم وحرمته وعياله ويندمون على انهم فكروا انهم يردون يشوفون ابوهم واخوانهم ؟؟؟

ذياب : الحمدالله يوم انك تتذكرنا
سعيد : افااا عليك يا ذياب جيه انا عمري ما نسيتكم ...
سعيد يأشر ع شهاب انته شهاب صح
شهاب معصب ويهز راسه ويقول : اخيرا عطيتوني ويه
سعيد : هههههه شو تباهن ويوهنا اروحك انته عندك ويه
شهاب : هههههههههه خشمك
واتخاشموا الاخوان وقرببهم سعيد في الميلس
سعيد يرمس شهاب : والله كبرت احيدك يهالوه لا واحلويت بعد
شهاب فارش عمره : هههههه طال عمرك مطيح نص بنات الدوله
وتموا الشباب يسولفون ويضحكون وارتاحوا وااايد مع بعض
ذياب : اقوول سعيد إلا وين ابويه؟؟؟
سعيد : طال عمرك الشيبه في العرس شالنه الهوى إلا نحن جدمنا في الييه لأن البنات ما عندهن حد
واذكر شهاب إلي رقعت الباب في ويهه وبعده مغيض عليها
شهاب : اقول سعيد
سعيد : امرني
شهاب : ما يآمر عليك عدو ...إلا بغيت اسألك من إلي طلعتلنا
سعيد يضحك ويحك لحيته : اظني .........والله ما اعرف بيبلك اياهن بهنتيهن واتفاهم وياهن
شهاب : وحده طويله ضعيفه ولابسه ازرق رقعت الباب فويهي مرتيين
سعيد: ههههههههه عرفتها
شهاب يتمصخر : انته ييبلي اياها وبرد كرامتي....عيل انا شهاب محمد المنصوري ينرقع الباب فويهي مرتين
ذياب :ههههههههههه حليلها تراها ما تقصد
سعيد :هههههههههههههههه لا شو حليلها خلها تتأدب عسب مره ثانيه ما ترقع الباب في ويه شهاب المنصوري
وشهاب متشقق
سعيد : ثواني بسير اطالع الأجواء عندهم ورادلكم من رخصتكم
شهاب + ذياب : مرخوووص
+++++++++++++++++++++++++++++
يالس في الحوي فيا امه وابوه وهوه سادح راسه ع ريل امه
حمدان : اقوووول امايه...عيل وين ميرووه؟؟؟؟؟
ام حمدان : والله يا ولدي جنها إلا في بيت عمك
حمدان : يا اميه ما يصير كله راغدتنها بيت عمي جيه هيه مب صغيره
ام حمدان : برايها دام ابوها مرخصنها
حمدان : ابويه؟؟؟؟
ابو حمدان : يا ابويه يا حمدان برايها يوم انك ما اطلعها خلها تتنفه عند بنات عمها...
حمدان يرن تيلفونه : مرحباااا ملااااايين وخرده بعد
منصور : هههههه المرحب باجي ....خل الخرده حقك ما اباها
حمدان : هااه وين دارك؟؟
منصور: والله ياي صوبك
حمدان: مرحبابك اقرب
منصور : قريب ... غايته السينما
حمدان : يا ريال ما فيني شده عالزحمه
منصور: قوم يالعياز منزلين فلم طرررر بيفوتك نص عمرك لو ما شفته
حمدان : اقوووول المهيري ترا سيارتي فالمغسله
منصور : والمطلوب؟؟؟
حمدان ويبتسم :يعلني ما اخلا منك اخطف عليه بروح فياك يالمزيون
منصور: جب جب عاد خل عنك دهان السير..بسرعه اخلص اوكيه
حمدان يصلب عمره : خلاص يوم توصل دق هرن وبتحصلني برا
منصور:خلاص اوكيـــــــك
سكر حمدان عن منصور وهوه يقول في خاطره : غريبه هالبادره الطيبه من منصور أكيييييييد شي وراه احيده هوه وسهيل ما يتفارقون ...شو سالفته
حمدان : يله الغاليه من رخصتج
ام حمدان : وين تبا ؟؟؟ وط عمرك انا ما صدقت امتى تيلس في البيت دوومك فيا ربعك
حمدان يحب امه ع راسها : ههههههه الغاليه بروح السينما فيا واحد من الربع ما بتأخر ولا انا ما لي خاطر اسير لكنه عزر عليه إلا اروح فياه
ابو حمدان يأشر له بيده عسب يروح
حمدان : ههههههههه ييه الشيبه يبى يتخلى
ابو حمدان : عنلاتك يالهرم ويفره بالفنيان لكن حمدان شرد يدري انه شي بيلحقه دله ولا فنيان , وسار صوب حجرته يتلبس كندورته ويتكشخ
++++++++
توه موقف موتره جدام بيت حمدان ونزل واتساند ع باب السياره وسرح يذكر الموقف الي صار ويا اخت حمدان وقعد يضحك وقطع حبل افكاره شموه وهيه تيره من كندورته
شموه اتصارخ فرحانه : ثهااااااااااااااااب ..ثهااااااااااااااااااب
منصور يشلها: هلا والله من وين نزل هالقمر ( وباسها )
شموه تمسح خدها : ايييي عولتني ثوووك
منصور نقع من الضحك... فهم انها تقصد عورتها لحيته اونها شوك
منصور:هههههههههههه يله بوسيني
شموه : ماليــد
منصور : عنلاتج ..انزين حبوبه شو اسمج؟؟؟؟؟
شموه : انا ثمووووه ثالم
منصور : اخوج حمدان؟؟؟
شموه : امدان ما اهبه ( حمدان ما احبه ) ..اهب ثهااااب
منصور : اهاااا قصدج شهاب
منصور : اقول شموتي قولي منصور
عاد شموه متعلقه فرقبته : ماليد
منصور : شمامي فديتج قولي منصور وبشلج الجمعيه
شموه : بتثتريلي حواااواا من الدمعيه
منصور يقلدها : هيه بثتريلج حواااوااا واااااااااايد
منصور : يله قولي منصور
شموه عقب الاغرائات : منثووووووول وغطت ويهها بيدينها الصغار اونها مستحيه ومنصور ميت عليها من الضحك
وركبها الموتر وراح صوب الدمعيه عقولتها وخمت نص الجمعيه من كثر الحلاويات وردوا البيت وهوه عايبتنه السالفه وركبها ع البونيت مال السياره وشموه تبطل حلاوه وتلقمه
منصور : شموتي منو تحبين ؟؟؟؟
شموه تعدله ع صبوعها الصغار: ماماتي وباباتي وميله وبث
منصور يبوس اصبوعها : وانا ؟؟؟
شموه : ثح ..ومنثووول
منصور شافها فرصه انه يعرف اختها : منو ميله ؟؟؟
وفهالوقت ميره طالعه من بيت عمها الي عدالهم وهيه متغشيه و رايحه صوب بيتهم .. وطبعا شافت شموه من الصبح عند منصور
شموه تأشر عليها وتصارخ : ميلــــــــه ..ميلـــه تعالي عدي حوااواا...
ميره قدها واصله البيت وافترت صوب السياره وتشوف شموه عند منصور وتصارخ باعلى صوتها وتقول في خاطرها : يالفضيحه الحين الشعبيه كلها تعرف ان اسمي ميره
منصور يهمس لشموه : هاذي ميره؟؟؟
شموه شوي بتصيح لأن ميره ما عطتها ويه: هيه
شموه : ميله تعالي اليدث تنذليني هذا الثبال لكبني فووووق وصاااحت
منصور فاج عيونه : تسبني وانا حليلي شارلها حلاوه بس ما منج من الي يعطيج ويه حشى صدق ما فيج خير












التوقيع

 

 

   

رد مع اقتباس
قديم 18-03-2008, 09:15 PM   رقم المشاركة : 20
معلومات العضو
غلاابوظبي
°•|عضو فعال|•°
 
الصورة الرمزية غلاابوظبي
 
إحصائية العضو









غلاابوظبي غير متواجد حالياً

مجموع الاوسمة 0


الرسالة الشخصية

عبــــــــــــــــــــوديـــ SA قلــــــــــــــــــــــبــ شيــــــــــــــــــــــوميــ أ

MMS

افتراضي


 

وشموه تباغم وتصيح وميره ماتعرف تسيرلها ولا لأ وبعدين تشجعت وسارتلها
وشموه شاله الشعبيه من الصياح ومنصور مبتلش ما يعرف شو يسويبها ويوم شاف ميره يايه صوبهم ابتسم بس حاول انها ما تشوفه وشل شموه من عالبونيت مال السياره وتم يحاول يسكتها ودموعها سيول ع خدها اونه ليش ميره ما عطتها ويه وراحت عنها....
منصور : شموتي فديتج بس خلاص لا تثيحين .ويقول في خاطره ( والخيبه علقت رمستها فلساني) وتوها ميره واصله صوبهم
ميره : السلام عليكم
منصور مبتسم : وعليكم السلام والرحمه
وشموه تمد ايدينها صوب ميره
ميره : اسمحلنا الشيخ غثيناك
منصور خلاص ذايب : افاااا عليج الشيخه لا مغثه ولا شي عاد كله ولا شيختنا شما بنت سالم
ميره تمد ايدينها : شموتي فديتج تعالي
ويناولها البنيه يوم توها ميره بتشلها بالغلط قمشت منصور بظفورها طبعا هيه مطوله ظفورها << ماتنلام بنوته
وشافت شويه دم وماتت من اللايمه بسرعه طلعت كنينكسه من مخباها ومدتها صوبه
ميره وهيه ماده ايدها صوبه وتنتفض : اسمحلي والله ما اقصد
منصور شاق الحلج : لا الشيخه عادي ما يرزا .....وضحك ...الامور طيبه
ميره : سمحلنا غثيناك ..يله من رخصتك وافترت عنه وروحت داخل وهيه متلومه فمنصور

منصور تنهد تنهيده طلعت آآهاااته من شاف ميره:.. الله يحفظج ...
وركب موتره وباله مشغول بميره وصار الي ياي عشانه ولا مب عسواد عيون حمدان .......وشخطها وقعد يحوط في الشعبيه من الفرحه ومطول ع المسجل آخر شي ومرتبش لأنه شاف ميره او الأخص ما كان بينه وبينها إلا شموه فاصل من بينهم وكان وااايد قريب منها وقعد يطالع صبعه وفرحان انها قمشته بظفورها حتى انه الكنينكسه إلي من عندها ما فرها ومحتفظبها عنده وكل شويه يطلعها ويشمها
منصور يشم الكنينكسه بقوه ويرد يحطها ع قلبه : فديتـــــــها يا ربي فديت ذيج العرضه ..فديت ذاك الطول ..فديت ذاك الظفر إلي قمش ايدي ومن داخل قمش قلبي ....وتنهد .........
ويقطع جوه الرومنسي تيلفونه ويوم شافه << حمدان يتصل بك >> اعتفس ويهه واذكر انه مواعدنه بس خلاص شيباه من عقب ما تحقق مراده وشاف قلبه إلي شل عقله وفكره وقفى عنه..

منصور : اوووف شو أقوله خلاص مالي بارض للسينما...انا من شفت ميره خلاص ما اريد شي يعكر مزاجي...بس والله ما اطيرها من ايدي وما بتكون إلا لي اروحي انشااللـــــــــه
منصور : مرحباااا
حمدان : هلاااا والله هاه وين دارك
منصور : والله الحين بوصل صوبكم
حمدان : اقوووول منصور اسمحلي ما اقدر اسير فياك شهاب دقلي وقالي انه يباني بعد شوي ضروري
منصور فرحان ويقول في خاطره : فكــــه زين يت منك
منصور : اهاا لا عادي مسموح ...مره ثانيه انشاالله
حمدان بارتياح : اوكيه عيل فمان الله
منصور : الله يحفظك

+++++++++++++++++++++++++++++

نرجع لسعيد....بعد ما ظهر من الميلس راح صوب خواته في صاله الطعام وحاول انه يغير تعابير ويهه على اساس انه يكون جدي لأن يعرف انهن الحين زايغات منه ومتأكد انه محد في عايلتهم يعرف ان شهاب وذياب اخوانهم إلا هوه وابوه وخاله راشد ...والبنات في صاله الطعام زايغات واكثر شي الريم واليازيه تحاول تهديهن بس بدون فايده واصلا يعرفن ان العواقب بتكون وخيمه
سعيد يصارخ بصوت عالي وفي خاطره ضحكه : بنااااااات ..بناااات ..وينكن
ومن سمعن صوته يبسن
الريم : خلاص نهايتنا قربت
اليازيه خاطرها تضحك : مابياكلج يابنت الحلال هذا اخوج
وروضه تزيدها : بس بيهزبج
الريم بستهزاء : بس ..هاا..بس بيهزبني ...وبعدين انتي جب ولا كلمه انتي قلتيلي (وتقلدها) فضيحه اونه وخليتيني افج الباب مره ثانيـــــ........ ويقاطعها سعيد ويدز الباب ويدخل : انتن ما تسمعن الزقر
....صخن ....
سعيد : شفيكن صخيتن ؟؟؟ هااه ..ويأشر بصبعه انتي
الريم : انا ؟؟؟
سعيد : هيه انتي عيل يدتج
اليازيه : سعيــ...
ويفتر صوبها بالقو: جـــــب
والريم خلاص الدموع ترسن عيونها وتتصرط
سعيد : انتي شو كنتي تسوين عند الباب ...هااه ؟؟؟
الريم ساكته واطالع روضه وتقول في خاطرها : كله منج ..وينك يابويه يارب توصل بسرعه وتنقذني من هالوحش
سعيد يصارخ : ارمسج انا رمسي عن لا المج كف يلصقج اليداار
والريم ادور بعيونها حد ينقذها وكلها نظرات ترجي صوب اليازيه وروضه لكن للأسف كلهن خذلنها
الريم بتردد : انا...
سعيد : انتي شووووووووووووه ؟؟
الريم تباغم : والله كنت اتحسبه المطعم ...وتصيح زياده...

وروضه دمعت لأن هيه لها دخل في السالفه واليازيه خلاص ما تروم ترمس وحطت في خاطرها عليه لأنه سكتها بهالطريقه البايخه
سعيد كسرت خاطره بس قال خلها تستاهل وايد لسانها طويل ودفاشته قويه
سعيد : تتحسبينه المطعم هااه ؟؟ تعاااااالي
الريم تحاول تسكت وتقول في خاطرها : عنلات صداك يالهرم تراك مصختها ماعليه والله بخبر ابويه عليك انا ما غلطت هم عافدين لين باب الصاله
سعيد يزاعق : تعاااااااااااااالي
++++++++
شهاب يالس ع الارض وساند راسه ع الكنبه وذياب يطالع صور يده المعلقات عاليدار ويتأملهن
شهاب : اقول ذياب جنه سعيد بطى
ذياب: ....
شهاب : حوووه ذيابووووه ارمسك
ذياب : خير ....هيه صح بطى
شهاب : دامك سمعتني ليش ماترد .....اقووول اخاف سوينالهم مشاكل بينهم
ذياب بعده عاطنه ظهره : لا ما اعتقد
شهاب متربع ع الارض ومنكس راسه يعابل تيلفونه:
......: بااابااااااااا
شهاب يرفع عينه عن التيلفون : فديـــــتج ياربي
ذياب استغرب هذا منو يتفدى وهوه ما يعرف حد فهالبيت افتر ع اخوه وشافه يلاعب بنوته صغيرونه
هذي مزنه بنت سعيد وهيه مشت لين الميلس لين ابوها يخلص محاظره ويا خواته
شهاب : هههههههههه ذياب شوف عندنا اخت صغيرونه ...فديتها محلاها
ذياب: هههههههه منو يابها
شهاب : اروحها......شو اسمج؟؟؟
مزنه : مذونه
شهاب يرفع مزنه فوق ويبوسها : فــــديت مذونه اسميج شيخه البنات طالعه ع اخوج شهاب
سعيد يدخل : سمحولي بطيت عليكم ......هاه مزوني منو يابج رووحي اهناك عند امج...
ذياب يتصرط: حرمه ابوي هنيه
سعيد : لا بعدهم ما يو من العرس
شهاب : عيل وين تبا هالمزيونه تروح
سعيد بستغراب: عند امها
ذياب مندفع : سعيد لا تقولي هذي بنتك؟؟
سعيد فهم السالفه وانهم ما يعرفون انه معرس:ههههههههههههههههه وانا اقول ليش تقول حرمه ابوك تتحسب مزنه ختيه ( شهاب وذياب فاجين عيونهم معناته سعيد معرس وعنده عيال )
شهاب يأشر بيده عليها باستغراب: يعني هذي بنتك
سعيد يضحك ويشل بنته ويبوسها: ههههه هيه فديت انا مزوني ... تشبهني صح
ذياب باستغراب : جنك معرس وانته صغير؟؟
سعيد: وازيدكم من الشعر بيت ...بعد عندي ولد عمره 12 واسمه حارب
شهاب+ذياب فاجين حلوجهم
ذياب : الله يخليهم لك ولامهم ... عيل وينه ولدك ما جفناه؟؟
سعيد : والله انه فالعرس شالنه الهوا ايول وايبس ويستريح فيا عيال خالي راشد
شهاب : والله فاتنا ..... طلعت شيبه يا سعوووود وعندك عيال
سعيد : عنلات صداك يالهرم انا شيبه شاب راسك يا المغازلجي من يومين جايفنك في صفحه المعاكسين
ذياب يصد ع شهاب وهوه عاقد حياته :شووو؟؟
شهاب يضحك : هد اعصابك وين تبى ....حليلي ودرته المغازل من زمان خلاص اصطلبنا وكبرنا يا ريال..هذا صار لعب يهال
ذياب شاك بكلامه : اتحرى بعد ... قايللك مليون مره الي تسويه فبنات الناس ..بيطيح فخواتك..خل عنك لعب اليهال












التوقيع

 

 

   

رد مع اقتباس
قديم 18-03-2008, 09:16 PM   رقم المشاركة : 21
معلومات العضو
غلاابوظبي
°•|عضو فعال|•°
 
الصورة الرمزية غلاابوظبي
 
إحصائية العضو









غلاابوظبي غير متواجد حالياً

مجموع الاوسمة 0


الرسالة الشخصية

عبــــــــــــــــــــوديـــ SA قلــــــــــــــــــــــبــ شيــــــــــــــــــــــوميــ أ

MMS

افتراضي


 

سعيد اندهش وانعجب في اسلوب اخوه ذياب وكيف انه يوجه اخوه وينصحه وهوه كان يتمنى يكون عنده اخو كبير ينصحه ويوجهه وذياب ماشاالله عليه ما مقصر ويا اخوه شهاب فأي شي معوضنه وما مخلنه يمشي فطريق الغلط
وطبعا ذياب اكبر عن سعيد لأنه من الحرمه الاولى لأبو سعيد

شهاب : صح سعيد ع طاري الخوات وين خواتنا بنسلم عليهن ولا ماشي خوات
سعيد بعده سرحان ويفكر بشخصيه ذياب :......
شهاب يزاعق : اوووووووووب بو حارب وينك
فز سعيد : شو تبى يا ريال خرعتني
شهاب : اهاا بو حارب عن لا يكون اتفكر ..الي بالي بالك ...ترا بنخبر الحرمه ..خلاص انته شوبت ع هالسوالف
سعيد :هههههههههه عنلاتك ما تستحي ...انزين بروح اشوف الخوات عقولتك ..يمكن ما يبن يسلمن عليك شو اسويبك..... بتزيغهن
شهاب : شوووو؟؟؟؟ مب كيفهن بس انته ييب الي رقعت الباب فويهي بأدبها
سعيد: ههههههههه حليلها توني هازبنها يالسه تصيح اوين كانت تتحسبكم الهندي مال المطعم
ذياب : ههههههههه حليلها حرام عليك صيحتها ما ترزى عليك روح..روح راضها ( ذياب طبعه حنون وما يحب يزعل حد )
شهاب : هههههههههههه تستاهل جان زقرتني بساعدك ( اما شهاب العكس ما يحب حد يغلط عليه والحين خاطره يرد الصاع صاعين لها )
ذياب : سعيد رفجه عليك تروح تستسمح منها حرام عليك ياخي تعقه كله عراسها مالها ذنب ..الغلط منا نحن (وافتر شهاب صوبه معقد حياته ويقول فخاطره : هذا ليش يدافع عنها ) الغلط منا نحن متعودين فمريكا اندق سيده الباب ونحن غلطنا وعفدنا امره عند باب الصاله.

سعيد عايبتنه شخصيه ذياب وطيبته وحنانه وتفسيره للأمور: خلاص امره تم الحين بستسمح منها وبييبها لك يا شهاب واتفاهم عكيفك .

وطلع من الميلس وخلى مزنه عندهم تسليهم

سعيد يمثل انه معصب:ريموووووووووه
الريم في خاطرها : شوه يبا هذا بعد تراه توه هازبني
سعيد بصراخ:ريموووووووووه ويهد
الريم توقف:نعم
سعيد فيه ضحكه بس ماسك عمره:نعامه ترفسج ........ بسرعه ع الميلس انتي وهذي الخبله
روضه بصوت واطي وبضيج: مالت عليك.. انا خبله؟؟
سعيد يريد يروعها: روضووه
روضه انتزغت : هااااااه
سعيد : شوه هااااه ... شوه قلتي قبل شوي بسرعه قولي؟؟
روضه ودموعها اتجمعن فعيونها هالسعيد مسولهم رعب فالبيت : ما شي..... وراحت صوب غرفتها بسرعه
الريم : رويض تعالي لا تروحين عني ... وراحت تبا تتبعها الا وسعيد يزعق عليها : الريــــــــــــــــــــــــم
الريم وقفت : شووووه تبا ؟؟؟
سعيد: يله ع الميلس بسرعه
الريم بعصبيه : شوه اسوي فالميلس هاااه ارمس
سعيد بصراخ : جـــب ولا كلمه يوم اقول سيري الميلس تسيرين ومن دون ما تياحدين ....بسرعه يله جدامي
ومشت جدامه وتدعي في خاطرها ع الساعه اللي طلبت فيها من المطعم
سعيد بجديه: الريم ... كوني مأدبه وعن خفت العقل تراج هب ياهل...
الريم مستغربه من رمسه سعيد: شوووووووه وليش انشاالله
سعيد : جب ...بس نفذي إلي قلته
يوم قدها واصله الميلس ..فجت عيونها وفجت ربعان صوب حجرتها
سعيد استغرب بس زخها قبل ما تشرد عنه : وين رايحه؟؟؟؟
الريم : سعيد شو فيك حد غاسل مخك ما تشوف هاذيلا في الميلس بروز وتباني ادخل ...صدق انه حد غسل مخك بفودر
سعيد: هههههه جب جب اونه فودر بعد ....يله جدامي
الريم مستغربه من اخوها مع انها تعرفه متشدد وتغشت ومشت
سعيد ضحك وزخها من كندورتها : عقي الغشى
الريم فاجه عيونها ع الآخر: انته سعيد ..ولا بدلوبك في العرس توك بخير شياك؟؟
سعيد : هههههههههههه
الريم : استغفر الله.... وتحط ايدها ع يبهته : سعيد شي يعورك بقول للدريول يوديك المستشفى
سعيد ناقع عليها من الضحك : يله جدامي
الريم خلاص استوعبت انه اخوها استخف وماشي مجال انها تشرد او تتهرب منه ودايما هيه اطيح في بلاويه وروضه تنسحب بسهوله (ودمعت ) والله حرام مب عدل جذيه

ويدخلون سعيد والريم المليس وسعيد يغمز حق شهاب ويقوله: هذيه عندك اياها
شهاب يضحك على شكلها :هههههههههههه
الريم في خاطرها : ضحكت بليا ضروس عسى

وبعد دقيقتين صمت والنظرات كلها صوب الريم وهيه ميته شوي وبتنخش فالكرسي وعيونها لاصقات فالارض
....
..
شهاب: يمدحونه السلام يا انسه
وتربع مزنه صوب الريم : حمممموه (عموووه ) ثهاب بيعتيني حوااوااه
والريم صاخه حتى السلام ما سلمت وبدت اتشك انهم صدق اخوانها من الابو
سعيد : الريم سلمي ليش ما تسلمين
والريم صاخه..
شهاب : حووووه ريمووووه توه لسانج لعلوع عند الباب وألحين حد قصه حقج ولا نسيتيه هناك ..ههههههههههه
الريم في خاطرها : يالسبال اصغر عيالك تقولي ريموووه مالت عليك يارب
ذياب بجديه: بس شهاب شوي شوي عالبنت كلتها
الريم لا شعوريا ضحكت وقالت تستاهل
شهاب : ذياب لا اتم تهزبني جدام هالياهل ...ألحين أحسن ضحكتها علي
الريم بصوت واطي : ياهل حرمتك
شهاب سمعها : شووووووووووه ...عيدي عيدي ما سمعتج (واذكر عليوه وفخاطره : فديتها حرمتي محد يروم عليها ..آآه بس وينها )
ذياب : اشحالج الريم
الريم استحت من ذياب وقالت حره فالدب إلي عداله برد عليه
الريم : الحمد الله بخير ربي يعافيك
شهاب مستغيض : مالت عليج من ساعه اقردنج وما تردين ويوم رمس الشيخ ذياب رديتي عليه..انا اراويج ..(وقف ومشى صوبها )

الريم تروعت ومسكت ايد سعيد بقو بس شافته ما بيسوي لها سعيد شي وبسرعه خطفت تربع داخل وشهاب يربع وراها وعلامات الشرر يطلعن من عيونه وبسرعه دخلت حجره امها وقفلت الباب وشهاب مالحق عليها وصل نص الدرب وشاف درج وعيبه البيت من داخل كيف ديكوراته واثاثه ورد الميلس خاف انه يضيع الدرب ....أما في الميلس ذياب وسعيد ناقعين عليهم من الضحك ودخل شهاب .........
شهاب معصب : أخ عليها شردت ولا كنت بأدبها
ذياب : حليلها شكلها طيوبه ما تستاهل
سعيد: هههههههه اونه طيوبه بعدك ما عرفتها زين ولا هالريم تينن بلد
.............................

ما أنت رايق فيك شيء ومتضايق
ما أنت في طبعك ولا هذا مزاجه
التفت لي شوي محتاج لدقايق
أنا ما صدقت أشوفك ونتواجه
ودي أطفي بشوفتك نار الحرايق
ودي أنسى بك ردى الحظ وعجاجه
عش معي في فرحتي و أنسى الخلايق
وأسمع لرعشة خفوقي واحتجاجه
عل ما بينك وبين الما عوا يق
من رحيق أزهار روضي وابتهاجه
ليه تخفي يا بعد روحي الحقايق
يسألك قلبي دخيلك بس ناجه
وين عني شارد النظرة توايق
ما أنت في حال الظلام ولا سراجه
آه يا حلوك عليك الحزن لا يـــــــــق
يا عسى ربي يعــــــــجل با نفراجه












التوقيع

 

 

   

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

(عرض تفاصيل اكثر الاعضاء الذين شاهدو الموضوع : 15
Яα3y•̃ĄίĎĬą3, , , ṦṁǾ, , 3ASHEQ ALSHAAB, admant.7obk, البادي راعي البورش, امباسي, , بطرانه كيووت, GERARED, شمعة راك, شـمــوخ آنـسـآنـهـ,
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:12 PM


Powered by vBulletin® Version 3.8.5
Copyright ©2000 - 2018, Jelsoft Enterprises Ltd.
.:: للأعلي ::.   .:: تصميم عرب فور ديزين لخدمات الويب المتكاملة ::. .:: للأعلي ::.